Afmæli og veislur

Skírnarveisla

20. júní 2020

Á 17.júní var sonur okkar Sæþórs loksins skírður. Hann fékk nafnið Bjarki Snær Fannberg. Til stóð að skíra litla snúðinn 13.apríl sem var annar í páskum en Covid sló það alveg útaf borðinu. Þá hefðu þau systkini. átt sama skírnardag en 2017 var 13.apríl einmitt Skírdagur og þá var Embla Ýr dóttir okkar skírð. Þar sem Bjarki er fæddur 22.október var hann orðinn ansi gamall en sem betur fer ákváðum við að nefna hann 5.desember svo hann hefur ekki verið nafnlaus allan þennan tíma. Hann sem betur fer passaði ennþá í kjólinn en þar sem hann er orðinn svo stór og kjóllinn ansi sleipur var hægara sagt en gert að halda á honum meðan athöfnin var í gangi og mér leið smá eins og ég væri með lax í fanginu haha. Eins og þeir sem þekkja mig vita er ég alveg veisluóð og að sjálfsögðu stóð aldrei til að sleppa því að halda veislu þó Covid væri eitthvað að trufla og í byrjun júní ákváðum við að 17.júní væri snilldardagur fyrir þetta. Þar sem sá dagur kom upp í miðri viku vorum við ekki að skemma helgarplön hjá fólki sem var á leiðinni útá land og því var mjög góð […]

Hljóðskrá ekki tengd.
Afmæli

3ja ára regnboga-afmæli

22. janúar 2020

Embla Ýr dóttir mín varð 3ja ára 10. janúar og því þurfti að sjálfsögðu að fagna með veislu en dóttir mín er mikil stemmningsmanneskja og veit fátt skemmtilegra en fullt af fólki, læti og gaman. Ég elska að halda barnafmæli og þá sérstaklega að velja þema fyrir veisluna en nú þegar er ég búin að vera með einhyrningaafmæli og prinsessuafmæli. Í þetta skiptið var ég að reyna að velja þema sem væri nokkuð auðvelt í framkvæmd þar sem ég er núna líka með einn ponsulítinn 3ja mánaða snúð og hef ekki alveg jafn mikinn tíma og fyrir seinasta afmæli. Regnboga þema varð fyrir valinu og strax í ágúst var ég komin með þema, búin að ákveða hvernig veitingar ég yrði með og hvernig skraut ég ætlaði að kaupa. Regnbogaþema er mjög þægilegt þema þar sem það eru svo margir litir í því að í raun allt litríkt skraut passar inní þemað. Í þetta skiptið ákvað ég að vera ekki með marga smárétti á undan kökunum og hafa þetta bara einfalt – kalt kjúklingapastasalat og súrdeigsbrauð fyrir fullorðna og pylsur í brauði fyrir krakkana. Pylsur eru uppáhalds maturinn hennar Emblu svo það hentaði mjög vel. Kjúklingapastasalatið er mjög þægilegt þar sem […]

Hljóðskrá ekki tengd.
Börn og uppeldi

Must have fyrir mömmur með fyrirbura/léttbura

23. nóvember 2019

Ég eignaðist mitt annað barn fyrir mánuði síðan. Litli kúturinn minn kom í heiminn á viku 33 og var voðalega lítill og smár en ofsalega duglegur. Hann þurfti að vera á vökudeildinni í 10 daga áður en hann fékk að koma heim með okkur. Systir hans sem fæddist í janúar 2017 kom líka fyrir tímann en hún fæddist á viku 36 og var því ekki alveg jafn lítil og viðkvæm og bróðir sinn og slapp alveg við vökudeildina. Ég er því orðin ágætlega sjóuð í svona litlum píslum og er búin að komast að því að það er ákveðnir hlutir sem maður notar meira og skipta meira máli með svona litla hnoðra en með fullburða börn og því ákvað ég að taka saman lista yfir það sem mér finnst must have með svona kríli. Það er svo auðvitað mjög mismunandi hvað hverjum og einum finnst vera must have en þetta er það sem ég hef notað mikið. Endilega smellið á nafnið á hverri vöru til að komast á síðuna þar sem er hægt að skoða vöruna betur. Difrax snuð newborn Þar sem það lá fyrir frá byrjun meðgöngu að litli snúður kæmi fyrr í heiminn fór ég í smá rannsóknarvinnu […]

Hljóðskrá ekki tengd.
Afmæli og veislur

Skreytingar í brúðkaupinu mínu

17. nóvember 2019

Skreyta , skreyta, skreyta !!!!! Ég og Sæþór maðurinn minn giftum okkur í lok ágúst 2018. Ég er alveg skreytingaóð og því var það algjört draumaverkefni fyrir mig að fá að skipuleggja allar skreytingarnar í mínu eigin brúðkaupi. Ég get ekki ímyndað mér (og vil held ég bara ekkert vita það) hvað ég eyddi mörgum klukkutímum á pinterest og á netinu að skoða allskonar skreytingar og ég fór alveg í 1000 hringi með hvaða þema ég ætti að vera með og hvernig ég ætti að setja þetta allt upp.  Eins skemmtilegt og þetta verkefni var þá verð ég að viðurkenna að ég varð smá buguð af valkvíða og áhyggjum reglulega þetta eina ár sem ég var að skipuleggja og mæli með því fyrir alla að byrja fyrr en seinna í svona pælingum. Það sem mér fannst erfiðast var að ná yfirsýn yfir heildarútlitið og sjá þetta fyrir mér í heild sinni. Oft sá ég eitthvað sem mér fannst ótrúlega flott en passaði kannski ekki inn í heildarmyndina og þá þurfti ég að endurhugsa hvort ég vildi sleppa þessari hugmynd eða hvort ég vildi breyta og aðlaga heildarmyndina að þessari hugmynd !  Ég verslaði mínar skreytingar útum allan heim, aliexpress, alibaba, ebay, […]

Hljóðskrá ekki tengd.
académie

Langar þig í bjartari og sléttari húð fyrir stóra daginn? Mögnuð andlitsmeðferð !

22. febrúar 2019

Ég gifti mig síðasta sumar og um vorið ákvað ég að fara að skoða hvort það væru einhverjar húðmeðferðir í boði til að gera húðina mína bjartari, fallegri og mögulega aðeins sléttari (lesist unglegri haha).  Ég var svo heppin að vera bent á húðmeðferð sem kallast Dermatude og er boðið uppá á snyrtistofunni Paradís á Laugarnesvegi. Ég las mér aðeins til um þessa meðferð og ákvað að slá til og pantaði mér tíma. Ég viðurkenni þó fúslega að ég hafði ekki mikla trú á þessu áður en ég prófaði en VÁ þvílíka snilldin sem þessi meðferð er ! Ég sá strax mun eftir 1 tíma, húðin var miklu bjartari og fallegri, áferðin mun sléttari og ég held svei mér þá að ég hafi verið unglegri líka ! Ofaná það hvað húðin verður fallegri þá er þetta algjör kósýstund og maður er alveg endurnærður þegar maður kemur út eftir klukkutíma. Ég þurfti svo mikið á því að halda að fá smá slökun á móti öllu brúðkaupsstressinu og því var þetta algjört æði fyrir mig. Ég fór í 3 tíma í heildina fyrir brúðkaupið og fannst ég sjá mikinn mun á áferðinni á húðinni og eins fannst mér húðliturinn jafnari og andlitið […]

Hljóðskrá ekki tengd.
Afmæli og veislur

Nammibarinn í brúðkaupinu mínu

15. febrúar 2019

Um leið og við Sæþór ákváðum að gifta okkur fór ég á flug að skipuleggja og plana og pæla. Ég komst fljótlega að þeirri niðurstöðu að ég vildi vera með nammibar eða candy buffet í brúðkaupinu mínu.  Ég vil ekki vita hvað ég eyddi mörgum klukkutímum á pinterest að skoða allskonar útfærslur af nammibar og það var heljarinnar vinna að komast að niðurstöðu. Loksins eftir marga mánuði datt ég niður á myndir af nammibar sem mér fannst ótrúlega fallegur og ég ákvað að nota hann að hluta til sem fyrirmynd ásamt nokkrum öðrum myndum sem mér fannst fallegar og henta mínu þema. Þemað í brúðkaupinu var mest gull,glimmer, kampavínslitað og ég vildi að nammibarinn væri alveg skreyttur í því þema. Ég vildi einnig að allt sem væri boðið uppá á nammibarnum væri í þessu litaþema og það tókst á endanum hjá mér eftir miklar pælingar.  Það sem ég var með á mínum nammibar: Heimabakaðir cake pops, 4 tegundir Ástrík popp í litlum glærum pokum með borða Krispy Kreme kleinuhringir með gullglimmer Gylltar karamellukúlur Hersheys gullkossar Gylltar Lindt kúlur  Hvítir snjóboltar frá Kólus Haribo gúmmíbangsar í litlum gylltum pokum Ég bjó sjálf til cakepops og skreytti þá á 4 mismunandi vegu. […]

Hljóðskrá ekki tengd.
Afmæli

2ja ára prinsessuafmæli

11. febrúar 2019

Í janúar varð Embla dóttir mín 2ja ára. Ég elska að halda veislur og þá sérstaklega veislur þar sem ég get komið einhverju þema að. Barnaafmæli eru hinn fullkomni viðburður fyrir þemaveislu og ég man að þegar ég var ólétt að Emblu var ég strax farin að hugsa útí 1.árs afmælið hennar ! Ég hélt semsagt einhyrningaafmæli fyrir hana þegar hún var 1.árs sem heppnaðist mjög vel. Hægt að skoða það hérna.  Í ár ákvað ég að hafa prinsessuþema í bleikum og gylltum litum. Ein ástæðan fyrir því er sú að ég gifti mig síðasta sumar og átti því ágætis safn af gylltu skrauti, dúkum, kökudiskum og kertastjökum sem ég gat nýtt núna. Eins fann ég svo margar flottar myndir á netinu af svona prinsessuafmælum.  Ég byrjaði á því að panta slatta af skrauti í prinsessuþema af aliexpress í lok október. Þar sem afmælið hennar Emblu er svo nálægt jólunum þarf maður að passa að vera tímanlega í að panta af ali þar sem sendingartíminn lengist oft töluvert í kringum jólin. Nú er pósturinn að vísu byrjaður að rukka fyrir alla pakka svo ég hugsa að ég panti bara á amazon.com fyrir næsta afmæli og láti senda það allt saman í […]

Hljóðskrá ekki tengd.
danskur jólamatur

Julefrokost jólaboð

12. desember 2018

Ég er alltaf með danskt julefrokost jólaboð fyrir jólin. Þá býð ég uppá allskonar danska jólarétti og með þessu er drukkin bjór og ákavíti. Þetta er ótrúlega skemmtilegur matur til að borða í góðum hópi þar sem borðhaldið tekur langan tíma, enda margir réttir að smakka á og eins er þetta matur sem er gaman að narta í langt fram eftir kvöldi.  Ég sýndi aðeins frá undirbúningi á snapchat og fékk mjög jákvæð viðbrögð svo ég ákvað að henda í bloggfærslu með nokkrum uppskriftum.  Þetta eru réttirnir sem ég býð uppá hreindýrabollur með gráðostasósu jólaskinka og kartöflusalat bananasíld og sveppamauk bökuð lifrarkæfa með beikoni og sveppum reyktur og grafinn lax, sósa, aspas og egg rækjukokteill roastbeef, remúlaði og steiktur laukur hreindýrapaté og hindberjasulta fiskipaté og hindberjasósa grafið nautafile og tvítaðreykt lambainnralæri með piparrótarsósu (keypt í Kjötkompaní) rauðlaukssulta rúgbrauð, gróft brauð, ristað brauð bjór og ákavíti ris a la mande grautur með karamellusósu  og brownie Hér fyrir neðan eru helstu uppskriftirnar sem ég nota: Hreindýrabollur 800g hreindýrahakk 1/2 dl sódavatn 1pk Tuc bacon kex 200g sveppir smátt skornir púrrulauksúpa (1pakki) 1 laukur smátt skorinn 2 msk fljótandi villibráðakraftur salt og pipar Blandið öllu saman í skál með höndunum og mótið litlar bollur. […]

Hljóðskrá ekki tengd.
ásbjörn ólafsson

Walkers karamellukrans – skemmtilegt og bragðgott jólaföndur

12. desember 2018

Ég fékk það skemmtilega verkefni á dögunum í samstarfi við Ásbjörn Ólafsson ehf. að útbúa karamellukrans úr Walkers karamellum.    Ég man þegar ég var lítil þá gerði ein vinkona mömmu alltaf svona krans fyrir jólin og mig dreymdi um að gera svona krans. Loksins 25 árum seinna varð draumurinn að veruleika 😉  Þetta verkefni var mun einfaldara en ég bjóst við og þegar maður er kominn í gírinn tekur þetta ekki meira en 30 mínútur.  Ég gerði tvo kransa út sitthvorri tegundinni af karamellum. Rauðar karamellur eru með dekkra súkkulaði og fjólubláar eru með rjómasúkkulaði. Karamellurnar koma í 1kg pokum og fást í Bónus.  Hringirnir sem ég notaði voru 17cm (rauðar karamellur) og 20cm (fjólubláar karamellur). Í minni kransinn notaði ég 1,3kg af karamellum og í þann stærri fór ég með næstum því 2kg. ÞEssir hringir fást í öllum föndurbúðum en þessir komu úr Föndru.  Ég fékk hvíta snærið sem ég festi karamellurnar með í Hagkaup (heitir Westmark).  Hér er hægt að horfa á video af kransagerðinni fyrir þá sem vilja spreyta sig.  Hér koma smá leiðbeiningar frá mér: takið heila rúllu af westmark snæri og bindið endan á henni í kransinn með tvöföldum hnút (ekki klippa snærið í bita […]

Hljóðskrá ekki tengd.
aliexpress

Ali Express jólalistinn minn

12. október 2018

Þar sem það er alltaf að styttast í jólin ákvað ég að gera smá innkaupalista með því sem ég er með í körfunni minni og búin að kaupa á AliExpress í vikunni. Þar sem sendingartíminn á Ali er oft nokkuð langur er mikilvægt að vera tímanlega í því að kaupa eitthvað sem maður þarf að fá fyrir jólin.  JÓLAFÖT Mér finnst æði að kaupa svona krúttuð jólaföt á Emblu og jólanáttföt á okkur fjölskylduna þar sem þetta eru hlutir sem eru yfirleitt bara notaðir í örfá skipti og þá skipta gæðin ekkert öllu máli.  Þetta eru jólanáttfötin sem ég keypti á okkur fjölskylduna – það voru ekki til hundaföt svo ég keypti bara svona baby onsie á Gizmó sem ég treð honum í 😉  Ég keypti líka nokkur jóladress á Emblu  jólaálfa-náttgalli (Gizmó á sko peysu í stíl svo þau geta verið sæt saman)   jólasveinastelpu-náttgalli  jólatutu pils og samfella bleik stelpu jólanáttföt (varð að fá ein bleik )  önnur bleik stelpu jólanáttföt (oki ég varð að fá tvö bleik) INNPÖKKUN Ég elska að pakka inn jólagjöfum og er með nýtt þema á hverju ári. Í ár ætla ég að vera með svart og hvítt þema í þessum stíl.  Hér eru linkar […]

Hljóðskrá ekki tengd.
ásbjörn ólafsson

Geggjuð lagersala hjá Ásbirni Ólafssyni í Holtagörðum

29. september 2018

Heildverslunin Ásbjörn Ólafsson var að opna snilldar lagersölu í Holtagörðum sem ég verð bara að segja ykkur aðeins frá. Heildasalan verður opin frá 28.september – 4.nóvember en hún verður á 1.hæði í Holtagörðum hliðiná Bónus.  Lagersalan verður opin á eftirfarandi tímum: Alla virka daga frá 12-18 Laugardaga frá 12-17 Sunnudaga frá 13-17 Á lagersölunni verður fjöldinn allur af flottum vörumerkjum og því tilvalið að nota tækifærið og kaupa nokkrar jólagjafir… nú eða bara kaupa gjöf handa sjálfum sér (skemmtilegustu gjafirnar hihi) Boðið verður uppá vörur frá mörgum þekktum vörumerkjum eins og Bitz, Södahl, Rosti, Pyrex, Nuance, Westmark, Sveico, Amefa og Rug Republic.  Ég fékk að kíkja á lagersöluna í gær og sjá hvað væri í boði og ég varð sko ekki fyrir vonbrigðum – frábær verð á ótrúlega flottum vörum. Ég náði að versla helling fyrir heimilið og meira að segja smá jólaskraut !  Það sem ég var mest að skoða voru þessar frábæru skálar frá Rosti – þetta er eiginlega skyldueign á hverju heimili finnst mér. Mig er búið að dreyma um að eiga þessar skálar í öllum stærðum síðan ég flutti að heiman ! Þetta eru harðplastskálar með gúmmi á botninum svo þær renna ekki til þegar þú ert […]

Hljóðskrá ekki tengd.
Diy

SmartStore skipulagsbox í ísskápinn – algjör snilld !

24. september 2018

Þeir sem fylgjast með mér á Snapchat vita að ég elska skipulag og allskonar box og græjur til að gera heimilisskipulagið auðveldara.  Þegar ég rakst á auglýsingu með þessum frábæru SmartStore skipulagsboxum fyrir ísskápinn vissi ég að þetta yrði ég að prufa. Mig hefur lengi dreymt um að eiga svona fullkomlega skipulagðan ísskáp sem er alltaf hrikalega girnilegur og eins og í bíómynd en þar til nú hefur það verið vonlaust verkefni.  Ég er búin að leita nokkuð lengi að svona boxum en bara séð þau erlendis og þar sem þau eru ansi fyrirferðarmikil þá hef ég aldrei lagt í að burðast með þetta með mér á milli landa. Þið getið því ímyndað ykkur gleðina sem fyllti litla skipulagshjartað mitt þegar ég sá þessi box auglýst.  Boxin koma í 3 stærðum og það er einnig hægt að fá lok á allar stærðirnar. Boxin geta líka staflast öll ofaná hvort annað og eins er brún á lokunum svo hægt er að nýta þau sem geymslubakka líka, bæði ein og sér og eins þegar þau eru í notkun sem lok. Boxin eru einnig öll með handföngum sem auðveldar notkun þeirra.  Mér finnst snilld að geta bæði notað boxin og lokin sem ílát […]

Hljóðskrá ekki tengd.
Afmæli og veislur

Þynnkubaninn – snilld fyrir brúðkaupsgestina

1. ágúst 2018

Ég og Sæþór erum að fara að gifta okkur núna í lok ágúst og ég ætla að útbúa smá care-package fyrir gestina mína til að taka heim með sér í lok kvölds til að hjálpa til við heilsuna daginn eftir.  Ég sjálf þoli ekki að vera þunn og er búin að prófa endalaust af ráðum til að sleppa við þessi leiðindi. Ég er loksins komin með algjöra snilldarlausn sem mér finnst virka ótrúlega vel. Ég er búin að kynna þetta fyrir nokkrum vinum mínum og þau geta tekið undir með mér að þetta virkar bara ansi vel.  Þynnkubaninn er semsagt bætiefna- og verkjalyfjakokteill sem er nauðsynlegt að skola niður með einni flösku af Gatorade. Þetta þarf að gera áður en maður fer að sofa kvöldið sem maður er að skemmta sér. Þynnkubaninn 2 stk Panodil 500mg 1 stk B vítamín sterkar  1 stk C vítamín sterkar 1 stk D vítamín 2000 iu  1 stk Lóritín  0,5L Gatorade Ég keypti mjög fín lítil hvít álbox á aliexpress til að setja töflurnar í fyrir brúðkaupsgestina mína. Hægt að skoða þau hér.  Ég er með 150-160 gesti en ákvað bara að gera 100 box þar sem það eru auðvitað aldrei allir sem taka […]

Hljóðskrá ekki tengd.
Afmæli og veislur

Brúðkaupsboðskortin mín !

23. júlí 2018

Ég og Sæþór erum að fara að gifta okkur núna í lok ágúst. Frá því við ákváðum að gifta okkur fyrir tæpu ári er ég búin að vera á fullu að plana og skipuleggja og ákveða allskonar hluti tengda brúðkaupinu og einn af þeim hlutum er að sjálfsögðu boðskortið.  Ég ákvað strax að ég vildi senda Save the date kort með jólakortinu og ég keypti þau á erlendri síðu þar sem ég gat hannað það sjálf að hluta til og lét senda hingað heim og það kom ágætlega út.  Hinsvegar var ég mun kröfuharðari á boðskortið sjálft og eftir að hafa prófað að panta þau á sömu síðu og Save the date kortin sá ég að þau voru bara alls ekki nógu falleg og ég var bara ekki ánægð með þau.  Ég ákvað því að hafa samband við Reykjavík Letterpress þar sem ég hafði heyrt svo ótrúlega góða hluti af þeirra þjónustu og vörum og ég sé sko alls ekki eftir því. Boðskortin eru ótrúlega falleg og ekkert smá vönduð og ég er algjörlega í skýjunum með þau ! Ég elska áferðina á textanum en hann er þrykktur í pappírinn sem mér finnst gera kortin enn gæðalegri og vandaðri og bara […]

Hljóðskrá ekki tengd.
Afmæli og veislur

Cinnabons – sjúklega mjúkir og djúsí

9. júní 2018

Jæja loksins er ég komin með uppskriftina af cinnabons sem ég er búin að fá svo fjöldamargar fyrirspurnir um.  Cinnabons eru semsagt svona þykkir, mjúkir og djúsí kanilsnúðar með hvítri rjómaost frosting ofaná. Það er til staður í London sem heitir Cinnabon sem selur bara kanilsnúða og eftir að ég smakkaði þá varð ég að prófa að baka svona sjálf og núna eftir að vera búin að prófa nokkrar uppskriftir finnst mér þessir snúðar eiginlega betri en þeir sem maður fær á Cinnabon í London.    Ég gerði þessa snúða um daginn í kaffi fyrir nýju vinnuna mína og þeir runnu mjög ljúflega ofaní mannskapinn (ein að kaupa sér vinsældir haha). Það er algjör snilld við þessa snúða að það er hægt að búa þá til daginn áður , láta hefast og græja og gera og svo þarf bara að hita þá í ofni í 20 mín áður en þeir eru bornir fram.  Þessi uppskrift er fyrir 12 mjög stóra snúða.  Snúðadeigið 1/3 bolli heitt vatn 2 og 1/4 tsk þurrger 1/4 tsk sykur Þessu er öllu blandað saman og látið malla í ca 5 mín 1/2 bolli sykur 1/3 bolli AB mjólk 1/2 bolli mjólk 85 g brætt smjör […]

Hljóðskrá ekki tengd.
bernaise sósa

Bernaise sósan góða

4. júní 2018

Ég elska sósur ! Ég er án gríns sósusjúklingur og mér finnst heimagerð bernaise sósa algjört æði.  Þar sem ég er oft að baka franskar makkarónur á ég oft helling af eggjarauðum sem er tilvalið að nota í bernaise sósu.  Ég hef oft verið að gera þessa sósu á snapchat og fæ alltaf spurningar um uppskriftina. Þessi uppskrift er mjög einföld og ekkert mál að gera hana. Ég nota alltaf hrærivél til að gera mína sósu en það er bókað hægt að nota handþeytara líka.  Bernaise sósa , f. 4-8 (fer eftir því hversu sósusjúkt fólkið er) 500g smjör 8 eggjarauðu 1,5 mtsk bernaise essence 1 mtsk estragon krydd 1 tsk nautakraftur í duftformi salt og svartur pipar eftir smekk Byrjið á því að bræða allt smjörið og hella því í plastkönnu eða ílát sem hægt er að hella smjörinu úr.  Setjið eggjarauður á hrærivélaskálina og þeytið aðeins í um 10-15 sekúndur.  Setjið hrærivélina á minnsta styrkinn og hellið smjörinu í mjórri bunu útí eggjarauðurnar. Þetta á að gera hægt og alls ekki skella öllu smjörinu útí.  Bætið útí blönduna bernaise essence, estragon, kjötkrafti, salti og pipar. Mikilvægt að smakka til og bæta við eftir smekk, mjög misjafnt finnst mér hvað þarf […]

Hljóðskrá ekki tengd.
æskublár

Breytingar á heimilinu – fyrir og eftir

25. mars 2018

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum !  Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég fór inn í Slippfélagið og var alveg búin að ákveða að mála í gráum lit en hitti þar æðislegan starfsmann sem leiðbeindi mér mjög vel og kom svo bara óvart út með nokkrar prufur í bláum tónum fyrir stofuna.  Ég sé sko alls ekki eftir því þar sem blár tónar mjög fallega við mitt litaþema í stofunni. Við vorum mjög efins um bláa litinn og fannst allar prufurnar svo dökkar en ákváðum á endanum að vera svolítið djörf og velja lit sem okkur fannst aðeins of dökkur. Við völdum litinn Æskublár og þegar hann er kominn á vegginn er hann sko ekki neitt dökkur og bara ótrúlega fallegur og tónar svo vel við gráa, hvíta og svarta litaþemað sem er […]

Hljóðskrá ekki tengd.
Afmæli og veislur

Að skreyta fermingarborðið + uppskrift

15. mars 2018

Eins og flestir kannski vita þá ELSKA ég að skreyta, halda veislur og dúlla í veisluborðinu.  Fréttablaðið gaf úr fermingarblað í síðustu viku og ég var fengin til að skreyta eitt stykki fermingarborð. Þar sem dóttir mín er bara 1árs og ég alls ekki að fara að ferma á næstunni fannst mér þetta fyrst svolítið fyndið verkefni en ég slæ nú aldrei hendinni á móti tækifæri til að skreyta. Ég sjálf bíð spennt eftir því að fá að ferma svo þetta var ágætis forskot á sæluna.  Ég gekk þó ekki svo langt að baka sjálf heilan helling af kökum, kransakökum og turnum eins og ég mun án efa gera þegar Embla dótttir mín fermist enda væri það algjör matarsóun þar sem engir gestir voru að mæta . Ég fékk því 17 sortir til að bjarga mér svo veisluborðið væri ekki alveg tómt og ég fékk 2 æðislegar kökur frá þeim. Ég fékk allar skreytingarnar sem ég notaði á veisluborðið í Partýbúðinni en þau eru með ótrúlega flott úrval af skrauti fyrir ferminguna. Ég ákvað að vera mað grænblátt, silfur og gull þema á mínu veisluborði en mér finnst mjög mikilvægt að byrja á því að velja litaþema til að vinna […]

Hljóðskrá ekki tengd.
barnabílstóll

Snilldar bílstólar frá Recaro

6. mars 2018

Það þekkja það allir foreldrar hvað það er mikill höfuðverkur að velja bílstól fyrir barnið sitt. Núna um áramótin var Embla að verða of stór í ungbarnastólinn sinn og fór að vanta næstu stærð fyrir ofan. Ég fór í þvílíka rannsóknarvinnu og komst að því að Recaro bílstólarnir voru að fá mjög góða dóma fyrir öryggi og eru alveg ótrúlega neytendavænir ! Þessir stólar fást í Bílasmiðurinn uppá Höfða og ég fékk frábæra þjónustu þegar ég fór að skoða þessa stóla.   Ég var líka þvílíkt spennt fyrir stól sem getur snúist í 360°af því það auðveldar svo sjúklega mikið að setja barnið í og taka það úr stólnum og eins vildi ég stól sem væri ekki mikið mál að flytja á milli bíla. Embla var svo heppin að fá svona stól í jólagjöf frá ömmu sinni og afa og ég gat ekki beðið eftir að skella honum í bílinn og leggja leiðindar ungbarnastólnum hennar sem er mjög þungur og erfiður í notkun.    Recaro Zero 1 stóllinn uppfyllti allar mínar kröfur og meira til og ég elska þennan stól. Embla er líka mjög sátt í honum og finnst gaman að vera komin í stærri stól þar sem hún getur […]

Hljóðskrá ekki tengd.