Baby björn

Hlutir sem við erum búin að elska að nota fyrstu 5 mánuðina

7. nóvember 2019

Þegar ég var ólett af Hákoni Orra þá lá ég yfir allskonar listum og pælingum um það hvað væri sniðugt að eiga og nota fyrstu mánuðina. Ég ákvað að taka saman smá lista yfir það sem er búið að virka lang best fyrir okkur.    Þessi færsla er ekki unnin í samstarfi við nein fyrirtæki. Allar vörurnar hef ég keypt sjálf.   Númer 1 á listanum er Baby Brezza mjólkur vélin. Þegar Hákon Orri var 6 vikna þá hafnaði hann brjóstinu. Hann hafði fengið viðbót frá því að hann fæddist þar sem ég mjólkaði lítið og litli kall nennti ekki brjóstinu lengur enda miklu auðveldara fyrir hann að drekka úr pela. Þannig fyrir ykkur pelamömmurnar er þetta mesta snilld í heimi. Brezzuna er hægt að nálgast bæði hjá Tvö líf og Olivía og Oliver. Númer 2  listanum er Balios S settið frá Cybex. Kerrustykki, vagnstykki og Aton M bilstólinn. Þetta hefur hentað okkur einstaklega vel. Grindin sjálf er létt og fyrirferðar lítil og kemst vel fyrir í litla bílinn minn sem er mikill plús. Það er yndislegt að geta smellt bílstólnum beint á grindina. Annars er kerran alltaf út í bíl og er mjög mikið notuð.     Númer 3 á listanum […]

Hljóðskrá ekki tengd.
fjölskylda

Skírn Leu Þóru – sagan á bak við nafnið og myndir frá deginum

9. september 2019

Litla snúllan okkar fékk nafnið sitt sunnudaginn 18. ágúst heima hjá mömmu í yndislegri heimaskírn. Við fengum prestinn sem skírði hin börnin okkar og gifti okkur til að koma að skíra dömuna. Við ákváðum að hafa þetta litla krúttlega heimaskírn og bjóða bara allra nánustu fjölskyldunni. Börnin okkar þrjú voru öll komin með nafn löngu fyrir fæðingu, en við höfum alltaf haldið þeim leyndum fram að skírn og ekki notað sjálf nöfnin heima fyrr en eftir skírn bara svona just in case ef maður skyldi missa það út úr sér! Óli Freyr var nú bara komin með nafn þegar hann var baun í bumbunni, ég var 100% viss að ég gengi með strák og svo eftir 20 vikna sónar fengum við það staðfest og vorum tilbúin með nafnið og skírðum hann 9 daga gamlan, við vorum svo sjúklega spennt að við gátum ekki beðið. Elín Kara var svo slétt mánaðargömul þegar hún var skírð og var hún líka komin með nafn strax eftir 20 vikna sónarinn. Óli Freyr er skírður í höfuðið á Óla afa mínum sem dó áður en ég fæddist og Óla bróður mínum og svo pabba, hann hét Freyr. Elín Kara er skírð Elín í höfuðið á […]

Hljóðskrá ekki tengd.
Börn og uppeldi

Fæðingarsaga – minn þriðji og seinasti keisari

30. júlí 2019

Þegar ég byrja á þessari færslu eru fimm dagar síðan ég átti snúlluna mína og langaði mig að setjast niður og skrifa fæðingarsöguna á meðan ég man þetta allt saman, maður er neflilega svo ótrúlega fljótur að gleyma! Við Arnór vorum sammála frá upphafi að við ætluðum að eignast þrjú börn og hafa stutt á milli þeirra og klára þetta ung. Allt fór samkvæmt plani og við eigum nú þrjú börn og það eru 5 og ½ ár á milli elsta og yngsta barns. Arnór er 27 ára og ég þrítug og við erum í skýjunum með þetta allt saman 🙂 Krakkarnir að halda á systu <3  Fyrst tímdi ég ekki að verða ólétt strax og eyða síðasta skiptinu mínu ólétt því það er eitthvað svo „final“ að klára þetta og allt svo dásamlegt í kringum þetta ferli en vá hvað ég er ótrúlega fegin núna að vera komin með hana í fangið og vera búin! Ég hugsaði svo mikið fyrstu tvo dagana eftir að hún fæddist bara vá, vá, vá hvað ég er fegin að hún sé komin út og bara never again! Þrír keisarar eru að mínu mati sko alveg meira en nóg, allavega fyrir minn kropp, úff […]

Hljóðskrá ekki tengd.
Börnin

Dagurinn sem ég varð mamma

27. júlí 2019

Jæja það er löngu orðið tímabært að henda niður fæðingarsögunni enda er strákurinn orðinn tveggja mánaða. Guð minn góður hvað tíminn líður hratt. Kannski ágætt að gefa ykkur smá aðdraganda. Ég var látin hætta að vinna 23 apríl daginn eftir páska þá komin 36 vikur á leið. Komin með of háan blóðþrýsting og komin í auka eftirlit og átti gjöra svo vel að gera sem minnst þangað til að litli myndi láta sjá sig. Þar sem að þrýstingurinn var fremur hár var búið að pannta fyrir mig í gangsetningu frá 39v+4 dagar þangað til 40v+4d enda engin ástæða til að hafa hann lengur inni. Kvennadeildin hringdi í mig 21 maí og bauð mér gangsettningu 24 maí kl 08:15 þá komin 40 vikur og 4 daga. Ég mætti upp á deild þennan morgun og fór í blóðþrýstings mælingu. Fór svo í skoðun til að tékka á því hvort að einhver útvíkkun væri komin, það var ekki, leghálsinn afturstæður og óhagstæður og útvíkkun ekki hafin. Ljósmóðirin fór yfir gangsettningar ferlið með mér og sagði þá að þetta gæti tekið nokkra daga sérstaklega þar sem ég er frumbyrja. Fyrsta taflan var tekin kl 9 og átti ég að taka töflu á þriggja tíma […]

Hljóðskrá ekki tengd.
Afmæli og veislur

Photobooth í brúðkaupinu

28. júní 2019

•Færslan er unnin í samstarfi• Í brúðkaupsveislunni ákváðum við að hafa ekki ljósmyndara að mynda veisluhöldin en ég var alveg ákveðin í að ég vildi hafa photobooth. Ég skoðaði möguleika sem voru í boði og mér leist best á síðuna Selfie.is Mér fannst síðan þeirra einföld! Það heillar mig þegar ég finn upplýsingar um verð og vöru á einfaldan hátt. Svo ég setti mig í samband við þá hjá Selfie.is og pantaði myndakassa, prentara og bakgrunn. Þeir voru svo elskulegir að bjóða mér samstarf í formi afsláttar og auka magn af útprentuðum myndum. Veislugestir fóru svo sjálfir í myndakassann, tóku myndir, prentuðu út og límdu í gestabókina. Nei sko þvílíka snilldin! Ég vildi ekki hafa props þó svo það væri í boði, mig langaði einfaldlega eiga myndirnar af fólkinu okkar án þess að þau væru með gríngleraugu, hatta eða þess háttar… en ég setti þrjár rósir við myndakassann sem mér fannst mjög sætt ef fólk vildi nota þær. En ég gæti ekki verið ánægðari með þjónustun, myndirnar og útprentunina. Svo fengum við allar myndir sendar í tölvupósti daginn eftir.  Myndakassinn var settur upp daginn fyrir brúðkaupið, sem þeir sáu alfarið um. Síðan mættu þeir um nóttina þegar veislan var búin […]

Hljóðskrá ekki tengd.
Brúðkaup

Brúðkaupsfatnaðurinn – MYNDIR og linkar

26. júní 2019

Vá hvar á ég að byrja? Við ákváðum brúðkaupdaginn með 5 mánaða fyrirvara. Fyrsta sem ég gerði var að bóka kirkju, sal og prest. Síðan fór ég á fullt í að panta skreytingar að utan og græja allskonar hluti sem tæki jafnvel nokkrar vikur að koma til landsins. Síðan kemur svona tímabil sem ekkert gerist, bara biðin eftir stóra deginum. Ég var mjög snemma í því að panta mér hinn fullkomna brúðarkjól sem ég lét sérsauma á mig hjá JJSHOUSE … tveimur mánuðum síðar kom hann þessi gullfallegi kjóll, en hann var of stór á mig því ég var búin að léttast og þegar ég mátaði hann var þetta ekki “the one”. Ég fann það bara strax að þetta var ekki “ég” í þessum kjól. Svo ég fór strax í að panta mér annan kjól… og já svo þann þriðja. Já já þarna var Bridezilla mætt! Stressið var aðeins byrjað að kitla taugarnar og ég vissi ekkert hvorn kjólinn ég myndi svo velja fyrr en nokkrum dögum fyrir brúðkaupið. Kjóllinn sem ég féll algjörlega fyrir hefði ekki getað verið fullkomnari í mínum augum, mér leið eins og drottningu í honum og leið vel í honum allan daginn. Kjólinn pantaði ég […]

Hljóðskrá ekki tengd.
börn

Þrjú börn á fimm árum. Allt samkvæmt Excel skjalinu.

7. maí 2019

Já þessi fyrirsögn er frekar funky ég veit, en pabbi minn kallaði mig oft “Excel skjalið” því ég er og hef alltaf verið gríðarlega skipulögð, alveg einum of stundum 😀 Ég vissi það alltaf að mig langaði til þess að vera ung mamma og eignast þrjú börn og það væri plús ef ég væri búin þrítug. Þegar ég kynntist Arnóri í janúar 2011 þá sagði ég honum að við ættum því miður ekki samleið, ég var nýkomin úr rúmlega þriggja ára sambandi og var 22 ára gömul og vissi að mig langaði “bráðlega” að fara byrja í barneignum. Arnór sagði þá að hann væri alveg sammála og að honum langaði líka til þess að eignast barn á næstu árum, ég trúði honum eiginlega ekki, enda er hann yngri en ég og nýorðinn 19 ára þegar við kynntumst hehe. En ég ákvað að gefa honum séns þrátt fyrir að vera smá hrædd því ég vildi ekki fara í samband nema honum væri alvara með það, en honum var sem sagt alvara, ég veit það núna 😉 Planið var neflilega að byrja næst með gæja sem væri amk 2 árum eldri heldur en ég því “strákar eru svo óþroskaðir” en eftir að […]

Hljóðskrá ekki tengd.
Brúðkaup

Bónorð & brúðkaup!

20. mars 2019

Eftir nokkurra ára bið er biðin loksins á enda…  Andri bað mín á aðfangadagskvöld, ég grenjaði og hló og þetta var dásamlegt bónorð og mjög skemmtilegt, alveg ekta við. Ég spurði hann strax um kvöldið hvort það væri nokkuð of snemmt að byrja að plana brúðkaupið og var það í léttu gríni, þar sem þetta er búið að vera frekar mikill djókur hjá okkur (aðallega mér) í nokkur ár hvort hann ætlaði nú ekki að fara að detta á skeljarnar. Það má alveg segja að ég sé búin að bíða og bíða eftir bónorðinu, enda vissi ég strax þegar ég kynntist honum að hann yrði maðurinn minn, að eilífu! Smá væmið ég veit, en það má þegar maður elskar og ætlar að ganga í það heilaga með makanum sínum:) En við vorum ekki lengi að ákveða dagsetningu og strax í byrjun janúar vorum við búin að bóka, kirkju, prest og sal. Við ætlum að gifta okkur þann 1.júní næstkomandi, svo við höfðum 6 mánuði fyrir undirbúning.  Auðvitað fór ég strax í eitthvað stress um að þetta yrði allt of stuttur tími til þess að undirbúa heilt brúðkaup en vinkonur mínar þekkja sína konu og sögðu mér að ég gæti þetta […]

Hljóðskrá ekki tengd.
Börnin

Stóri draumurinn er að rætast

20. febrúar 2019

Jæja ég held að það sé komin tími til þess að láta aðeins heyra frá mér.  Heldur betur langt síðan síðast og hefur lífið breyst til muna. Í byrjun júni 2018 tók ég endanlega ákvörðun hvað sæðisgjafa varðar og sló til og pantaði. Pöntunin kom til landssins í byrjun júlí og þá passaði akkúrat að Livio var í sumarfríi þangað til í ágúst. Ákvað ég því að skrá mig í meðferð í ágúst og átti að senda þeim póst um leið og ég myndi byrja á blæðingum.  Áður en ég byrjaði í meðferð keypti ákvað ég egglospróf og þugunarpróf á amazon.com. Þau virkuðu líka svona svakalega vel. Að sjálfsögðu keypti ég allt of miki af þeim, þannig nóg var til.   Tíu dögum eftir að ég kláraði blæðingar átti ég að byrja að taka egglospróf á hvernum morgni með fyrsta þvagi þangað til að prófið sýndi jákvæðar niðurstöður.  Jákvæð niðurstaða kom þann 22 ágúst og hafði ég samband við Livio sem gaf mér tíma í uppsetningu strax daginn eftir eða 23 ágúst. Aðgerðin sjálf ef aðgerð skal kalla tók innan við mínútu. Ég lagðist upp á bekk hjá lækninum og sæðinu var sprautað inn með löngum og grönnum plast hólk […]

Hljóðskrá ekki tengd.
Aníta

Lífið gerist og við veljum okkur ekki veikindi

22. janúar 2019

Úff, ég hreinlega veit ekki hvar ég á að byrja! Það er liðinn allt of langan tíma síðan ég skrifaði blogg síðast. Ég hef verið með hálfgerða ritstíflu, sem er kjánalegt miðað við það að ég starfa sem blaðakona. Það er svolítið annað að setjast niður og setja sínar eigin hugsanir á blað heldur en að skrifa fréttir eða viðtöl. Svo er það líka þannig að lífið okkar kemur í tímabilum og undanfarna mánuði hef ég verið að ganga í gegnum allskonar hluti sem kröfðust þess að ég sinnti sjálfri mér, börnunum og minni nánustu fjölskyldu betur. Það er líka svo mikilvægt stundum að taka sér tíma til þess að stoppa, endurhugsa og bæta lífið og líðanina. Það er það sem ég hef verið að gera. Ég er búin að leggja rækt við mikla sjálfsvinnu sem hefur skipt mig miklu máli. Lífið er nefnilega allskonar. Við getum ekki valið okkur hvaða veikindi banka upp á og hvað framtíðin býður okkur uppá. En við getum valið það hvernig við ætlum að takast á við það. Ég ákvað að taka erfiðleikum með æðruleysi og þakklæti. Það er ekki alltaf auðvelt. Óguð nei! Það erfiðasta sem ég hef þurft að takast á við […]

Hljóðskrá ekki tengd.
ásbjörn ólafsson

Walkers karamellukrans – skemmtilegt og bragðgott jólaföndur

12. desember 2018

Ég fékk það skemmtilega verkefni á dögunum í samstarfi við Ásbjörn Ólafsson ehf. að útbúa karamellukrans úr Walkers karamellum.    Ég man þegar ég var lítil þá gerði ein vinkona mömmu alltaf svona krans fyrir jólin og mig dreymdi um að gera svona krans. Loksins 25 árum seinna varð draumurinn að veruleika 😉  Þetta verkefni var mun einfaldara en ég bjóst við og þegar maður er kominn í gírinn tekur þetta ekki meira en 30 mínútur.  Ég gerði tvo kransa út sitthvorri tegundinni af karamellum. Rauðar karamellur eru með dekkra súkkulaði og fjólubláar eru með rjómasúkkulaði. Karamellurnar koma í 1kg pokum og fást í Bónus.  Hringirnir sem ég notaði voru 17cm (rauðar karamellur) og 20cm (fjólubláar karamellur). Í minni kransinn notaði ég 1,3kg af karamellum og í þann stærri fór ég með næstum því 2kg. ÞEssir hringir fást í öllum föndurbúðum en þessir komu úr Föndru.  Ég fékk hvíta snærið sem ég festi karamellurnar með í Hagkaup (heitir Westmark).  Hér er hægt að horfa á video af kransagerðinni fyrir þá sem vilja spreyta sig.  Hér koma smá leiðbeiningar frá mér: takið heila rúllu af westmark snæri og bindið endan á henni í kransinn með tvöföldum hnút (ekki klippa snærið í bita […]

Hljóðskrá ekki tengd.
aliexpress

Ali Express jólalistinn minn

12. október 2018

Þar sem það er alltaf að styttast í jólin ákvað ég að gera smá innkaupalista með því sem ég er með í körfunni minni og búin að kaupa á AliExpress í vikunni. Þar sem sendingartíminn á Ali er oft nokkuð langur er mikilvægt að vera tímanlega í því að kaupa eitthvað sem maður þarf að fá fyrir jólin.  JÓLAFÖT Mér finnst æði að kaupa svona krúttuð jólaföt á Emblu og jólanáttföt á okkur fjölskylduna þar sem þetta eru hlutir sem eru yfirleitt bara notaðir í örfá skipti og þá skipta gæðin ekkert öllu máli.  Þetta eru jólanáttfötin sem ég keypti á okkur fjölskylduna – það voru ekki til hundaföt svo ég keypti bara svona baby onsie á Gizmó sem ég treð honum í 😉  Ég keypti líka nokkur jóladress á Emblu  jólaálfa-náttgalli (Gizmó á sko peysu í stíl svo þau geta verið sæt saman)   jólasveinastelpu-náttgalli  jólatutu pils og samfella bleik stelpu jólanáttföt (varð að fá ein bleik )  önnur bleik stelpu jólanáttföt (oki ég varð að fá tvö bleik) INNPÖKKUN Ég elska að pakka inn jólagjöfum og er með nýtt þema á hverju ári. Í ár ætla ég að vera með svart og hvítt þema í þessum stíl.  Hér eru linkar […]

Hljóðskrá ekki tengd.
Diy

SmartStore skipulagsbox í ísskápinn – algjör snilld !

24. september 2018

Þeir sem fylgjast með mér á Snapchat vita að ég elska skipulag og allskonar box og græjur til að gera heimilisskipulagið auðveldara.  Þegar ég rakst á auglýsingu með þessum frábæru SmartStore skipulagsboxum fyrir ísskápinn vissi ég að þetta yrði ég að prufa. Mig hefur lengi dreymt um að eiga svona fullkomlega skipulagðan ísskáp sem er alltaf hrikalega girnilegur og eins og í bíómynd en þar til nú hefur það verið vonlaust verkefni.  Ég er búin að leita nokkuð lengi að svona boxum en bara séð þau erlendis og þar sem þau eru ansi fyrirferðarmikil þá hef ég aldrei lagt í að burðast með þetta með mér á milli landa. Þið getið því ímyndað ykkur gleðina sem fyllti litla skipulagshjartað mitt þegar ég sá þessi box auglýst.  Boxin koma í 3 stærðum og það er einnig hægt að fá lok á allar stærðirnar. Boxin geta líka staflast öll ofaná hvort annað og eins er brún á lokunum svo hægt er að nýta þau sem geymslubakka líka, bæði ein og sér og eins þegar þau eru í notkun sem lok. Boxin eru einnig öll með handföngum sem auðveldar notkun þeirra.  Mér finnst snilld að geta bæði notað boxin og lokin sem ílát […]

Hljóðskrá ekki tengd.
fjölskylda

Misheppnað (en yndislegt) sumarfrí í máli & myndum

21. ágúst 2018

Vá hvað það er langt síðan það kom færsla frá mér, tók mér heldur betur langt blogg-sumarfrí en ætla að koma sterk til baka núna 😉   Ég ákvað bæði að taka gott bloggfrí og endurhlaða batteríin – og einnig hef ég ekkert verið í neinu stuði, en er öll að koma til!   Þetta sumarfrí var nú meiri rússíbaninn – fór ekki alveg eins og ég hafði planað! Við fjölskyldan fórum sem sagt í sumarfrí frá 11. júlí til og með 14. ágúst. Ég var búin að búa til sjúklega skemmtilegan og raunhæfan sumarfríslista yfir skemmtilega hluti sem við ætluðum að gera með krökkunum, en því miður náðum við ekki að gera allt á listanum í þetta sinn – það er alltaf næsta ár!      –> fyrir áhugasama þá er sumarfrís-listinn sem ég gerði HÉR.     En mig langar að segja ykkur frá dásamlega misheppnaða sumarfríinu mínu….   Þetta byrjaði s.s. allt saman á því að Ríta (kisan mín hehe) fór í geldingu sama dag og fríið byrjaði. Aðgerðin gekk vel, en það gekk alls ekki vel eftir að við komum heim! Hún HATAÐI að vera með skerm yfir hálsinum og ég svaf ekkert fyrstu nóttina því ég […]

Hljóðskrá ekki tengd.
Börnin

Hvað á að gera með börnunum í sumarfríinu? Hér er minn listi!

28. júní 2018

Loksins er komið að því að við fjölskyldan erum að fara í sumafrí saman. Þetta verður í fyrsta skiptið sem við erum öll saman í fríi, alveg í heilar 5 vikur líka! 🙂   Síðasta sumar var ömurlegt. Pabbi lést 18. júní og sumarið er eiginlega allt í móðu. Man vel eftir flutningunum í júlí og 10 daga ferðalaginu sem við fórum í, en man ekki mikið meira en það. Ég man hvað ég var með mikið samviskubit eftir sumarið því það var ekki sniðið að börnunum, heldur þá var ég bara ógeðslega sorgmædd (eðlilega) og lofaði sjálfri mér að næsta sumar yrði fullt af fjöri fyrir krakkana! <3  En fyrir utan síðasta sumar þá erum við Arnór bæði nýlega útskrifuð úr námi þannig að þetta hefur alltaf bara verið þannig að hann er að vinna á sumrin og því höfum við aldrei tekið svona gott frí saman, mikið verður þetta ljúft!   Þetta er alveg frekar langur tími, en tíminn getur verið svo svakalega fljótur að líða samt og áður en maður veit þá er þetta búið. Þannig að mig langaði að gera to do lista fyrir fríið og geri hann 100% sniðinn að krökkunum og hvað þeim finnst gaman að gera. […]

Hljóðskrá ekki tengd.
Ferðalög

Fjölskylduferð til Spánar

23. maí 2018

Við fjölskyldan erum nýkomin heim úr yndislegri Spánarferð (Tjah eða við vorum nýkomin heim þegar ég byrjaði á færslunni en nú eru komnar sex vikur….svaka blogg metnaður í gangi hjá mér þessa dagana/mánuðina hehe) . Við fórum nokkur saman s.s. ég, maðurinn minn, börnin okkar tvö, mamma, tveir bræður mínir og dóttir bróður míns – vorum með þrjú börn og þau öll undir fimm ára. Þið veltið því kannski fyrir ykkur hvernig það hafi verið að vera með þrjú börn undir fimm ára í svona ferð, ég get alveg sagt ykkur það að það var alveg frábært – þó ég myndi ekki segja að það mætti beint kalla þetta 100% frí því maður er náttúrulega alltaf að passa upp á elsku börnin, en þetta gekk furðuvel. Frænkurnar Elín Kara og Tinna Rut eru báðar fæddar í október 2015 og eru því nánast alveg jafn gamlar og ná mjög vel saman og Óla Frey fannst bara mjög gaman að leika með þeim þó hann sé svona “stór” 🙂 Flugið út gekk furðuvel, þetta voru c.a. 4,5 klst og börnin mín voru alveg ótrúlega góð og róleg allan tímann, Tinna Rut, dóttir bróður míns var aðeins með smá vesen en það gekk svo […]

Hljóðskrá ekki tengd.
Börnin

Lífið síðasta mánuðinn

14. apríl 2018

Síðasta mánuðinn eða svo hef ég verið í hálfgerðri lægð, lægð frá samfélgasmiðlum og mjög lítið gert annað en að vinna. Vinna, safna mér pening svo ég geti haldið áfram að ná markmiðum mínum. Eins og þið eflaust vitið flest er stærsta markmið ársins að stofna mína eigin fjölskyldu. (Linkur á fyrri færslu)  Það sem er að frétta af ferlinu hjá mér er að ég er búin að fara í allar skoðanir, blóðprufur og viðtal hjá Félagsráðgjafa. Allt saman kom vel út og fannst mér virklega hjálplegt að tala við Félagsráðgjafann. Hún sagði mér frá allskonar hlutum sem ég hafði ekkert pælt í og opnaði augun mín enn frekar fyrir því hvernig það er að vera einstök móðir.   Stundum er svolítið magnað hvað maður getur verið fastur í sínum eigin kassi og ekki alveg séð út fyrir hann, það hjálpaði mér alveg helling að fara til hennar og ég vona sem flestar nýti sér þekkingu hjá fagaðilum þegar kemur að þessum málum.  Aftur á móti var næst á dagskrá að klára að velja sæðisgjafa. Ég er búin að hafa aðgang að European Sperm Bank síðan í byrjun janúar og mörgum sinnum í viku hef ég farið inn að skoða og lesa […]

Hljóðskrá ekki tengd.